រស់ បញ្ញា

លោក រស់ បញ្ញា កើតនៅក្នុងខេត្តសៀមរាប ក្នុងឆ្នាំ១៩៨៨។ លោកបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ផ្នែកទីផ្សារឌីជីថល និងពាណិជ្ជកម្ម នៅសាលា Max Business School of Miami, USA, ថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងពាណិជ្ចកម្មពីសាកលវិទ្យាល័យបៀលប្រាយ និង ថ្នាក់បរិញ្ញាបត្រផ្នែកវិទ្យាសាស្ត្រកុំព្យូទ័រ នៅសាកលវិទ្យាល័យអង្គរ ខេត្តសៀមរាប។ ដោយមានការឈឺចាប់ និងការប្តេជ្ញាចិត្តចំពោះអនាគតប្រទេសជាតិ លោកបានសម្រេចចិត្តចូលប្រឡូកក្នុងឆាកនយោបាយ ក្នុងខែមិថុនា ឆ្នាំ២០១៥។

បទពិសោធន៍នយោបាយរបស់លោកមានលក្ខណៈទូលំទូលាយ ដោយធ្លាប់បានធ្វើការជាទីប្រឹក្សាក្នុងវិស័យកំណែទម្រង់រដ្ឋបាល និងការអភិវឌ្ឍន៍សេដ្ឋកិច្ចមូលដ្ឋាន។ លោកជឿជាក់ថា គន្លឹះនៃភាពជោគជ័យរបស់ប្រទេសជាតិគឺស្ថិតនៅលើការចូលរួមយ៉ាងសកម្មពីប្រជាពលរដ្ឋគ្រប់ស្រទាប់វណ្ណៈ។

លោក រស់ បញ្ញា ជាយុវជនជំនាន់ក្រោយតំណាងឲ្យការផ្លាស់ប្តូរ និងក្តីសង្ឃឹមថ្មីសម្រាប់កម្ពុជា។